ПОКАНА ПРОМОЦИЈА НА АУДИО КНИГА

1ПОКАНА2

ПРОМОЦИЈА НА АУДИО КНИГА

"НА СВОЈА КОЖА ПРОДОЛЖИ СО НАСМЕВКА-НИВО 1.0 "

28.02.2020 година (петок) -12.00 часот

ДХО Даре Џамбаз-Скопје, сала број 5, приземје

Почитувани медиуми,

НАЦИОНАЛЕН СОЈУЗ НА СЛЕПИ НА РЕПУБЛИКА СЕВЕРНА МАКЕДОНИЈА  заедно со МИРОСЛАВ ДРАГАНОВ , авторот на книгата „На своја кожа продолжи со насмевка“ – ниво 1.0., имаме чест и задоволство да Ве поканиме на промоција на аудио верзијата на неговата книга која е наменета за слепите и слабовидни лица од целата територија на Република Северна Македонија.

Пристапната аудио книга е изработена во рамките на кампањата ГЛАД ЗА ЧИТАЊЕ и претставува формат достапен за лицата со оштетен вид согласно Договорот од Маракеш кој на слепите лица го дава основното човеково право ПРАВОТО ДА ЧИТААТ.

Промоцијата на аудио книгата ќе се одржи во петок, 28.02.2020 година (токму на роденденот на авторот) со почеток од 12:00 часот во сала 5 – Дом на хуманитарните организации на Македонија "Даре Џамбаз " (Ул.11ти Октомври бр.42 А Скопје)  во Скопје.

Посебна благодараност упатуваме до сите оние кои суштински придонесоа ова прекрасно дело да биде достапно и за слепите и слабовидни лица и тоа:

Национален сојуз на слепи на Република Северна Македонија (иницијатор, организатор, како и организација која ги сноси трошоците за аудио цд и логистика )

Лајонс Клуб „Камен Мост“ (здружение кое ги покри основните трошоци)

New Media(маркетинг агенција која ја обезбеди опремата, просториите за снимање и целокупната монтажа)

Лаура Крлиу, пејачка (во улога на рецезентка)

Емине Халил, актерка (во улога на интерпретаторка на женските ликови во книгата)

Никола Здравковиќ, новинар (во улога на интерпретатор на машките ликови во книгата)

Мирослав Драганов,автор, мотивациски говорник и тренер (во својата автентична улога – наратотор на својот дел од книгата)

Инаку, книгата „На своја кожа продолжи со насмевка“ – ниво 1.0. беше издадена пред точно една година од издавачката куќа Матица Македонска при што авторот ја организираше најпосетената промоција во историјата на издавачката куќа. Во текот на една година Мирослав Драганов направи рекордни 11 промоции на книгата во текот на 2019 година и тоа во: Скопје, Штип, Битола, Охрид, Берлин, Куманово, Струмица, Кавадарци, Гевгелија, Велес и Делчево. Импресиите од читателите се многубројни, емотивни и искрени, слики од читателите пристигнуваа од целиот свет, од Аљаска до Виетнам и од Шкотска до Маврициус, а бројот на продадени примероци се наближува кон 1000.

Ова се само дел од причините поради кои ни е особено драго што ова извонредно делодобива и своја аудио верзија наменета само за слепите лица.

Го очекуваме Вашето драгоцено присуство за заедно да ја проследиме кратката, но прекрасна програма на самата промоција.

Со почит,

Ваши

Национален сојз на слепи на Република Северна Македонија  и авторот Мирослав Драганов

Јавен повик 2020

ЈАВЕН ПОВИК ЗА ПОДНЕСУВАЊЕ НА БАРАЊЕ ПО ОДНОС НА ПРОГРАМАТА ЗА РЕФУНДИРАЊЕ НА СРЕДСТВА ПЛАТЕНИ КАКО ЦАРИНСКИ ДАВАЧКИ, ДАНОК НА ДОДАДЕНА ВРЕДНОСТ И АКЦИЗА ЗА НАБАВКА НА ПАТНИЧКИ АВТОМОБИЛ ЗА ЛИЦА СО ТЕШКА И НАЈТЕШКА ТЕЛЕСНА ПОПРЕЧЕНОСТ, ЛИЦА СО УМЕРЕНА, ТЕШКА И ДЛАБОКА ИНТЕЛЕКТУАЛНА ПОПРЕЧЕНОСТ, ЗА ПОТПОЛНО СЛЕПИ ЛИЦА СО ПРИДРУЖНИК И ЗА ПОТПОЛНО ГЛУВИ ЛИЦА ЗА 2020 ГОДИНА

Министерството за труд и социјална политика согласно Програмата за рефундирање на средства платени како царински давачки, данок на додадена вредност и акциза за набавка на патнички автомобил за лица со тешка и најтешка телесна попреченост, лица со умерена, тешка и длабока интелектуална попреченост, за потполно слепи лица со придружник и за потполно глуви лица за 2020 година (Службен весник на Република Македонија бр.277/19) објавува јавен повик за поднесување на барање за рефундирање на средства платени како царински давачки, данок на додадена вредност и акциза за набавка на патнички автомобил.

Барањето може да се поднесе од страна на лицето со попреченост, негов родител или старател најдоцна до 30 септември 2020 година.

Барањето со потребната документација се поднесува преку надлежниот центар за социјална работа до Комисијата за рефундирање на средства за набавка на патнички автомобил формирана во рамки на Министерството за труд и социјална политика

Кон барањето се поднесува следната документација:

Прослава на Стара Нова година во Скопје

1Во здружението на слепи и лица со оштетен вид -Скопје на денот за стара нова година 13 Јануари,се одржа прослава на која присуствуваа повеќе членки од Здружението со нивни придружници.Се поголем број членки учествуваат на ова прослава,што зборува за сплотеноста на членовите,што токму овој ден одлучуват да бидат заедно и да си ги честитат дотогаш изминатите и претсојни празници.Годинава, старата кума Стефановска Барбара,со пригодно припремена трпеза и многу убави изречени мисли и изреки,духовно надградувајки не и посочувајки на тоа колку е битно,дружењето и меѓусебната подршка,го предате кумството на придружник од наша членка која по втор пат во 2020 година е подготвена и ќе биде среќната кума.Како што наложува традицијата на трпезата најпрвин се скрши лепчето,а по поздравот од претседателката Кентровска Душанка, понатамусо музика,игра и песни со убаво расположение се испрати новата година по Јулијанскиот календар за да се пречека новата во која се посакува добро здравје и среќа на секој поединец.Годинава за забавнот дел беше задолжен нашиот член Арсовски Стојче од КУД “Билјана“ кој и поединачно ги знае музичките желби на присутните наши членови,па така расположенито растеше во текот на целата прослава.Годинава ,нашата прслава беше пренесена и на ТВ Сител,при што и оние што физички не присуствуваа за момент беа заедно со нас.

Повеќе артикли...