Преку „Blind table rastaurant“ поблиску до проблемите на слепите лица

1Националниот сојуз на слепите заедно со Македонскиот институт за медиуми и Националниот совет на инвалидски организации, денеска во ресторанот „Umbrella” во Градскиот трговски центар организираат „Blind table restaurant“.

Целта на настаност, соопштуваат организаторите, е преку неформално дружење, присутните да се запознаат со некои од предизвиците со кои се соочуваат слепите лица во земјава.

„Гостите ќе може да добијат увид во тоа како изгледа социјалниот живот на овие лица низ нивната призма и со какви проблеми тие се судираат во средината во која живеат. Истовремено, на настанот ќе се стави акцент на ратификувањето на Меѓународниот Маракешки договор кој дава пристап до литература на оваа категорија на граѓани. Гостите ќе може да стават темни траки преку очите со цел да почуствуваат на миг како слепите лица го перцепираат светот околу нив. Низ ресторанот ќе ги спроведуваат волонтери од организациите на слепи лица (слепи и слабовидни лица). Целта е гостите да развијат доверба кон слепото лице – водич, како што едно слепо лице му верува на лицето со нормален вид“, се вели во соопштението.

Петогодишна традиционална средба повод патрониот празник Петровден на градот Кочани

2Здружението на слепите лица од Кочани по повод   патрониот празник на градот Кочани Петровден  12 Јули , по пети пат ја одржа традиционалната средба на која беше организиран шаховски турнир со претставници од здруженијата на слепите лица  од  повеќе градови на Р.Македонија. Средбата се одржа на 06.07.2019 год. во Кочани.

Поканети  и присутни на средбата беа претседателот на Националниот сојуз на слепите Жарко Селковски ,претседателот на  Спортската федерација на слепите Коце Димов  како и членови и  секретари  од  здруженијата ч ленки на   НССРМ.  На средбата   беа   поканети  и претставници    од  организацијата на слепите лица од   Република   Бугарија   со кои имаме  повеќегодишна погранична соработка.

Прошетка до Националниот парк Маврово и изворите на реката Вардар Вруток

11Здружението на слепи лица на град Неготино со финансиски средства од Градоначалникот на Општина Неготино организира еднодневна прошетка  низ убавините на Западна Македонија, Националниот Парк Маврово и Изворите на реката Вардар Вруток.

Членовите се собраа на организираното место каде што се тргна  весело  кон убавините на Западна Македонија. По патот имавме и попатни паузи каде што се чувствуваше планинскиот воздух  и убавините на густите шуми.

Најпрво стигнавме во пределот на Националниот Парк Маврово,прошетавме низ густите шуми каде што вдишувавме свеж и убав воздух ,а потоа го разгледавме и вештачкото Езеро Маврово покрај браната и делот покрај  Маврови  Анови. Воодушевени од глетката ја продолживме нашата релација кон Изворите на реката Вардар ,,Вруток,,.

Повеќе артикли...